ᓄᓇᓕᒃ ᒥᑎᒐᓗᐊᖅᖢᓐᓂ ᑕᓗᕐᔪᐊᖅ ᐅᑭᐅᖅᑕᖅᑐᒻᒥᒃ ᑲᔪᖏᖅᓴᐃᓂᖃᖅᐳᖅ

WWF

For the English version, please click here.

ᐃᓚᖓᓂᓯᐅᖅᑐᖅ ᐊᕕᖅᑐᑉ, ᐃᓛᓐᓂᑯᑦ ᑕᐅᔭᐃᓱᕐᓗᓐᓂ ᐴᑎᐊ ᐱᓂᓐᓱᓚᖓᓐᓂᒃ, ᑕᓗᕐᔪᐸᑉ ᕼᐋᒻᓚᖓ ᐅᖓᓯᒃᑐᖅᑕᐅᑉᓗᓐᓂ ᓄᓇᐃᓐᓇᕐᒥᓯᐅᖅᑐᖅ ᑲᓇᑕᒻᒥ. ᐃᓄᖃᖅᑐᖅ 1,100 ᒫᓐᓇ ᓂᕈᐊᒐᒃᓴᖑᖅᓯᒪᓕᖅᑐᖅ $500,000 ᐅᑭᐅᖅᑕᖅᑐᒻᒥ ᑲᔪᖏᖅᓴᐃᓂᕐᒧᑦ ᐱᑖᒃᓴᒻᒧᑦ.

ᓱᓇᒥᐊᑦ ᑲᔪᓯᑎᐊᕐᓂᖅᐸᑕ, ᐅᕙᒍᒋᔭᐅᓂᐊᖅᐳᖅ ᐊᕕᖅᑎᑐᑉ ᐃᓄᐃᑦ ᒥᐊᓂᕆᔭᐅᓂᖓᑦ ᓴᐳᔭᐅᓯᒪᓂᖓᓪᓗ ᓄᓇᖁᑎᖓ (IPCA) ᐊᖏᓂᖃᕐᓗᓐᓂ 40,730 ᐃᖅᑐᐊᖅᒡᑐᑉᓗᓐᓂ ᑭᓚᒦᑐᔅ ᑕᕆᐅᖅ, 4,413 ᐃᖅᑐᐊᑑᑉᓗᓐᓂ ᑭᓚᒦᑐᔅ ᑕᓯᐅᑉᓗᑎᒃ, 20,532 ᑭᓚᒦᑐᔅ ᑰᖕᖑᑉᓗᑎᒃ ᐊᒻᒪ  45,039 ᐃᖅᑐᐊᖅᑐᖅ ᑭᓚᒦᑐᔅ ᓄᓇᐅᑉᓗᓐᓂ. ᑖᓇ ᐃᓱᒪᒋᕐᓗᒍ ᓄᓇ ᖓᖏᓂᖅᓴᐅᕗᖅ ᓱᕕᑦᓴᓚᓐᒥᑦ.

The Nunavut hamlet of Taloyoak at sunrise
© George Aklah

ᓂᕈᐊᒐᒃᓴᖑᖅᓯᒪᔪᖅ, ᒪᕈᖕᒪᓂᒃ ᓄᓇᕘᒻᒥ ᓴᕿᑎᑦᓯᒪᔪᓂᖃᖅᐳᖅ ᐊᕕᖅᑎᑐᑉ ᐃᓄᐃᑦ ᒥᐊᓂᕆᔭᐅᓂᖓᑦ ᓴᐳᔭᐅᓯᒪᓂᖓᓪᓗ ᓄᓇᖁᑎᖓᓐᓂᒃ (IPCA) ᐱᕚᓪᓕᖅᑎᑦᓯᔪᒪᑉᓗᑎᒃ ᓄᓇᓕᐅᑉ ᐱᕙᓪᓕᐊᓂᖓᓐᓂᒃ ᖃᓄᐃᖏᑎᐊᕐᓂᖏᓐᓂᒃ ᐃᓄᖏᑕ ᐊᒻᒪ ᓂᕿᖃᑎᐊᕐᓂᕐᒥᒃ ᒥᐊᓂᖅᓯᓗᑎᒃ ᑐᒃᑐᑦ ᓄᕋᓕᐅᕐᕕᖏᓐᓂᒃ, ᓇᓐᓄᐃᑦ ᓯᑎᖏᓐᓂᒃ, ᐊᐅᔭᒻᒥᓗ ᓄᓇᒋᔭᐅᕙᒃᑐᓐᓂᒃ ᐊᕐᕕᕐᓄᑦ, ᕿᓇᓗᒐᕐᓄᑦ ᐊᒻᒪ ᑑᒑᓕᖕᓄᑦ.

ᑖᑉᓱᒻᒪ ᑐᕌᖅᑕᖓ ᓯᕗᓂᕐᒥ ᐱᕙᓪᓕᐊᔪᑦ ᐅᔭᕋᒃᑕᕆᐊᕐᓃᑦ ᐊᒃᑐᐃᔪᖕᓇᖅᑐᑦ ᓄᓇᓕᐅᑉ ᓂᕐᔪᑎᖏᓐᓂᒃ ᐃᑲᔪᕐᖢᑎᒃᓗ ᐃᖃᓇᐃᔮᖃᕐᓂᕐᒥᒃ ᓂᕿᖃᑎᐊᖁᑉᓗᒋᑦ, ᐃᖃᓗᓕᕆᓂᕐᒧᑦ ᐊᔪᖏᓂᖅᓴᐅᖁᑉᓗᒋᑦ ᐊᒻᒪ ᑐᔪᕐᒥᐊᓐᓂᒃ ᑲᒪᑦᓯᐊᓂᕐᒥᒃ, ᒥᐊᓂᖅᓯᑉᓗᑎᒃ ᓄᓇᓕᖕᒥᖕᓂᒃ.

ᐆᒻᒪᔪᓄᑦ ᐱᐅᖅᓱᐊᖅᑏᑦ ᓯᓚᕐᔪᐊᕐᒥ−ᑲᓇᑕ (WWF-Canada) ᐱᓕᕆᖃᑎᖃᖅᓯᒪᖕᒪᑦ ᓄᓇᓕᖕᒥᑦ ᐊᕌᒍᓐᓂᒃ ᐱᖓᓱᓐᓂᒃ ᐃᑲᔪᖅᑐᐃᑉᓗᑎᒃ ᓄᓇᖃᖅᖄᖅᓯᒪᔪᑦ ᓴᐳᔨᓂᕐᒥᒃ ᓯᕗᓂᕐᒥᖕᓂᒃ ᐃᓄᐃᑦ ᓂᕐᔪᑎᖏᓐᓂᒃᓗ. IPCAs are, ᓇᓗᓇᓗᐊᖏᑐᖅ ᐊᔨᖐᒃᑎᑦᓯᓂᓗᖕᓂᕐᒧᑦ ᒥᐊᓂᕆᔭᐅᓂᖏᓐᓄᑦ ᐊᔨᖏᖏᑐᑦ ᓂᕐᔪᑎᑦ ᐅᑉᓗᒻᒥ ᐊᓯᐊᕙᓪᓕᐊᔪᑦ ᓄᓇᑉᑎᖕᓂ. (ᖃᐅᔨᓴᕐᓂᖅ ᑕᑯᑎᑦᓯᖕᒪᑦ ᓄᓇᖃᖅᖄᖅᓯᒪᔪᓐᓄᑦ ᒥᐊᓂᕆᔭᐅᔪᑦ ᓄᓇᑦ ᓂᕐᔪᑎᖃᕐᓂᖅᓴᐅᖕᒪᑕ ᑲᓇᑕᓗᒃᑖᒻᒥ ᐃᑲᔪᖅᑐᐃᑉᓗᑎᒡᓗ ᐅᓗᕆᐊᓇᖅᑐᒥᓯᐅᖅᑐᓐᓂᒃ ᓂᕐᔪᑎᓐᓂᒃ.)

ᓄᖑᐸᓕᐊᓂᖓᓐᓂ 2019, ᑕᓗᕐᔫᑉ ᐊᖑᓇᓱᒃᑎᖏᑕ ᑲᑎᒪᔨᖏ (ᔅᐱᓐᔅ ᐸᐃᒻᒥᒃ ᓯᕗᓪᓕᕐᒥᒃ ᐊᑎᖃᓚᐅᕐᒪᑦ) ᑐᓂᔭᐅᓚᐅᕐᒪᑕ ᐅᖓᑖᓐᓂ $500,000 ᑲᓇᑕᒻᒥ ᓄᓇᒻᒧᑦ ᐊᑐᕐᓂᐊᖅᑐᓐᓂᒃ ᑮᓇᐅᔭᓐᓂᒃ ᑐᒃᓯᕋᐅᑎᒃᑯᑦ ᐃᑲᔪᒐᐅᑉᓗᑎᒃ ᐆᒻᒪᔪᓄᑦ ᐱᐅᖅᓱᐊᖅᑏᑦ ᓯᓚᕐᔪᐊᕐᒥ−ᑲᓇᑕ (WWF-Canada) ᑕᐅᑐᖂᖅᑕᖓᓐᓂᒃ ᐊᕕᖅᑑᒻᒥᒃ. ᐊᕌᓐᓂ ᐃᑲᔪᓚᐅᕆᕗᒍᑦ ᐅᑭᐅᖅᑕᖅᑐᒻᒥ ᑲᔪᖏᖅᓴᐃᓂᕐᒧᑦ ᐱᑖᒃᓴᒻᒥᒃ ᓂᕈᐊᒐᒃᓴᐅᔪᒪᔪᒻᒥᒃ.

ᐱᑖᒐᒃᓴᐅᔪᑉ ᐱᔪᑎᒋᔭᖓ ᐃᓕᑕᖅᓯᔪᒪᑉᓗᑎᒃ ᐊᔪᖏᑎᐊᖅᑐᓐᓂᒃ ᐱᓕᕆᖃᑎᒌᒃᑐᓂᒡᓗ ᑎᒥᖑᖅᓯᒪᔪᓐᓂᒃ ᐊᑐᕈᒪᔪᑦ ᐃᑲᔪᖅᑐᐃᔪᓪᓗ ᐅᑭᐅᖅᑕᖅᑑᑉ ᖃᐅᔨᒪᓂᖏᓐᓂᒃ ᐃᓱᒪᓕᐅᕈᑕᐅᔪᖕᓇᖅᓯᖁᑉᓗᒋᑦ ᑲᓇᑕᒥᐅᓗᒃᑖᓐᓄᑦ.”

Spence Bay HTA and WWF-Canada meeting in Taloyoak to plan future work on Aviqtuuq IPCA
© Brandon Laforest/WWF Canada

ᐊᑎᖃᖅᑐᖅ ᓂᕿᕼᐊᖅᖁᑦ ᑐᑭᖃᖅᖢᓐᓂ “ᓂᕿᕗᑦ” ᐃᓄᒃᑐᑦ, ᓂᕈᐊᒐᒃᓴᖑᖅᓯᒪᔪᖅ ᐱᓕᕆᐊᖃᓗᐊᕐᖢᓐᓂ ᐃᓱᒫᓗᖕᓇᖅᑐᓐᓂᒃ ᐃᖃᓇᐃᔮᖃᖏᓂᕐᒧᑦ ᓂᕿᓪᓗ ᐊᑭᑐᓗᐊᕐᓂᖏᓐᓄᑦ ᑕᓗᕐᔪᐊᕐᒥ. ᑕᐅᑐᖂᖅᑕᖓᑦ  ᐊᑕᐅᓯᖑᖅᑎᑕᐅᖁᑉᓗᒋᑦ ᑕᕆᐅᒥᓯᐅᖅᑐᑦ, ᓯᒡᔭᖓᓐᓂ, ᑕᓯᕐᓂ ᐊᒻᒪ ᓄᓇᒥᐅᑕᐃᑦ − ᐃᓄᐃᑦ ᐃᓱᒪᔪᓯᖓᑦ ᐆᒻᒪᔪᖕᓇᖅᑐᓕᒫᑦ ᐊᕙᑎᑉᑎᖕᓂ − ᒥᐊᓂᖅᓯᓂᕐᒧᑐᐊᖑᖏᑐᖅ ᑭᓯᐊᓂᓕ ᐊᐅᓚᑦᓯᖃᑕᐅᓂᕐᒥᒃ ᓴᕿᑎᑦᓯᓂᕐᒥᒡᓗ ᐃᖃᓇᐃᔮᒃᓴᓐᓂᒃ ᓄᓇᓕᖕᒧᑦ.

Proposed boundaries for Aviqtuuq IPCA, including marine and terrestrial areas
© Will Merritt/WWF-Canada

ᑖᒻᓇ ᐃᓱᒪᒋᔭᐅᓯᒪᔪᖅ ᐃᓅᓯᕐᒧᑦ ᐱᕙᓪᓕᐊᓂᕐᒧᓪᓗ ᑐᕌᒐᖃᓗᐊᖅᐳᖅ ᒥᐊᓂᕆᔭᐅᓂᖏᓐᓄᑦ ᐊᕕᖅᑑᑉ IPCA ᓂᕈᐊᒐᒃᓴᖑᖃᑕᐅᓚᐅᕐᓂᖓᓐᓂᒃ ᓯᕗᓪᓕᖅᐸᐅᖃᑕᐅᑉᓗᓐᓂ 10 ᑐᓂᔭᐅᓂᐊᕐᖢᑎᒃ ᐅᑭᐅᖅᑕᖅᑐᒻᒥ ᑭᖑᔾᓕᐅᑉᓗᑎᒃ ᐅᑭᐅᖅᑕᖅᑐᒻᒥ ᑲᔪᖏᖅᓴᐃᔨᑦ ᐱᑖᒃᓴᖓᓐᓄᑦ. ᓵᓚᖃᖅᑐᑦ ᑐᓴᕐᓇᕐᓂᐊᖅᐳᑦ ᕕᕐᕈᐊᕆ 19, 2021. ᓄᕙᒡᓇᕐᔪᐊᖅ-19, ᐱᑦᔪᑕᐅᑉᓗᓐᓂ ᐅᑭᐅᖅᑕᖅᑐᒻᒥ ᑲᔪᖏᖅᓴᐃᓂᕐᒧᑦ ᐱᑖᕆᔭᐅᓂᐊᖅᑐᖅ ᑏᕖᒃᑯᑦ ᑐᑯᒃᓴᐅᓂᐊᖅᐳᖅ ᐄᐲᑏᐃᓐᑯᑦ (APTN) ᑕᕆᔭᐅᑎᖏᑎᒍᑦ 7:30 ᐅᓐᓄᑯᑦ ᕕᓂᐲ ᖃᐅᔨᓴᐅᑎᖓᓂ ᑕᑯᒃᓴᐅᔫᓗᐊᕐᓂᐊᕐᒪ ᖃᕆᑕᐅᔭᒃᑯᑦ ᐅᕙᓐᓂ APTN.ca.

ᓄᓇᓕᖕᒥ ᓯᕗᓕᖅᑎ ᐊᒻᒪ ᑲᖏᖅᖢᒑᐱᐅᑉ ᐊᓯᕙᖅᑐᓕᕆᔨᑦ ᑲᑎᒪᔨᖏᓐᓂ ᑎᑎᕋᖅᑎᖓ ᔨᒻᒥ ᐅᓕᑲᑦᑕᓕᒃ ᓯᕗᓕᖅᑎᐅᖕᒪᑦ ᑕᑉᓱᒪᓐᓂ ᐱᓕᕆᐊᕐᒥ, ᐹᓪ ᐅᖃᓕᕐᓗ ᐅᑭᐅᖅᑕᖅᑐᒻᒥ ᖃᐅᔨᒪᔨᒻᒪᕆᒃ, ᐳᕌᓐᑕᓐ ᓚᕗᐊᕆᔅᑦ, ᐊᖓᔪᖄᖅ ᐅᑭᐅᖅᑕᖅᑐᒻᒥ ᐆᒻᒪᔪᓐᓂᒃ ᖃᐅᔨᓴᖅᑎ, ᑖᐊᑦ ᑐᓗᕆᐊᓕᒃ (ᒪᒃᑯᒃᑐᓐᓂ ᑭᒐᖅᑐᖅᑐᖅ), ᑯᑉᓗ ᑕᖅᑐ (ᐃᓕᓴᐃᔨᐅᓚᐅᖅᑐᖅ) ᔪ ᐋᓯᕙᒃ (ᑲᖏᖅᖢᒑᐱᐅᑉ ᐊᓯᕙᖅᑎᑦ ᑲᑎᒪᔨᖏᑕ ᐃᒃᓯᕙᐅᑕᖓ) ᓕᓐᓯ ᐊᓇᐃᔭ (ᑕᓗᕐᔪᐊᕐᒥ ᕼᐊᒻᓚᑯᓐᓂᑦ) ᐊᒻᒪ ᕕᓐᓯᓐᑦ ᓚᕼᐃᐊᕋᐅᑦ (ᐊᒃᑎᒃ ᑲᓂᒃᓴᓐᑯᓐᓂᑦ) ᑎᑎᕋᒐᐅᓯᒪᔪᑦ ᐃᓚᒋᔭᐅᑉᓗᑎᒃ.

ᐆᒻᒪᔪᓄᑦ ᐱᐅᖅᓱᐊᖅᑏᑦ ᓯᓚᕐᔪᐊᕐᒥ−ᑲᓇᑕ (WWF-Canada) ᐊᑐᐃᓐᓇᐅᑎᑦᓯᓱᕐᒪᑕ ᓇᓗᓇᖅᑐᓐᓂᒃ ᐃᑲᔪᖅᑎᐅᑉᓗᑎᒃ, ᑲᑎᒪᓂᕐᓂᒃ ᐋᕿᒃᓱᐃᔨᐅᑉᓗᑎᒃ ᐊᒻᒪ ᖃᓄᐃᓕᐅᕈᑕᐅᓂᐊᖅᑐᓐᓂᒃ ᖃᐅᔨᒪᔨᐅᑉᓗᑎᒃ ᐃᑲᔪᒐᐅᔪᒪᔪᓐᓄᑦ. ᐆᒻᒪᔪᓄᑦ ᐱᐅᖅᓱᐊᖅᑏᑦ ᓯᓚᕐᔪᐊᕐᒥ−ᑲᓇᑕ (WWF-Canada) ᑮᓇᐅᔭᖃᖅᑎᑦᓯᓚᐅᕐᒥᖓᒪᑕ ᖃᐅᔨᒪᔨᐅᓂᐊᖅᑐᒻᒥᒃ ᐃᓄᑑᑉᓗᓐᓂ ᓄᓇᓕᖕᒥᒃ ᐃᑲᔪᕐᓂᐊᖅᑐᒻᒥᒃ ᐅᔨᕈᓱᓕᖅᑎᑦᓯᔪᒪᓂᕐᒧᑦ ᑕᒪᓱᒥᖓ ᐱᓕᕆᐊᖑᔪᒻᒥᒃ.

ᖁᕕᐊᓱᐊᑎᖃᖅᐳᒍᑦ ᓂᕈᐊᒐᒃᓴᖑᓚᐅᖅᑐᒻᒥᒃ ᐊᒪᓗ ᔨᒻᒥ ᓄᓇᓕᖓᓗ ᐃᑲᔪᖅᑐᖅᐸᕗᑦ. ᓇᓕᐊᖕᓄᒥᐊᖅ, ᐊᖏᖅᓯᒪᕗᒍᑦ ᓄᓇᓕᐅᑉ ᑕᐅᑐᖂᖅᑕᖓ ᐃᑲᔪᕈᒪᑉᓗᑎᒍ.