ᑭᓱᒧᑦ ᖁᕕᐊᓱᒍᑎᖃᖅᑭᑕ ᓄᓇᒦᖔᖅᑐᓂᑦ ᐆᒻᒪᖅᑯᑎᓂᑦ ᓵᓚᒃᓴᖅᑐᑦ ᓄᓇᕗᒻᒥ

WWF Canada

ᑎᑎᕋᖅᑐᖅ ᒫᑕ ᓕᓂᐅ

ᐊᕐᕌᒎᓯᒪᔪᒥᑦ ᐊᔅᓱᕈᓐᓇᐃᓇᖅᓯᒪᒐᓗᐊᖅᑎᓪᓗᒍ, ᑕᑯᓯᒪᒻᒥᔪᑦ  ᐃᓚᖏᓐᓂᑦ ᑲᔪᓯᓂᖃᑦᑎᐊᖅᑐᓂᑦ ᐊᕙᑎᒧᑦ. ᓄᓇᕐᔪᐊᒧᑦ ᐃᑲᕋᖓ 2021, ᑕᑯᓂᐊᖅᑕ ᒫᓐᓇᕋᑖᖑᓯᒪᔪᓂᑦ ᓄᓇᒦᖔᖅᑐᓂ ᐆᒻᒪᖅᑯᑎᓄᑦ ᓵᓚᒃᓴᖅᑐᑦ ᓄᓇᕗᒻᒥ ᖁᕕᐊᓲᑎᒋᔪᓐᓇᕐᓂᐊᕋᑦᑎᒍ ᑕᒪᐅᖓ ᑎᑭᓯᒪᓂᕆᓕᖅᑕᑎᓐᓄᑦ. ᐅᐱᓐᓇᕋᓂ ᐊᒥᓱᐊᓘᒻᒪᑕ.

ᐃᓄᐃᑦ

ᐆᒻᒪᖅᑯᑎᓂ ᐃᓕᓐᓂᐊᑎᑦᑎᓂᖅ ᐱᒻᒪᕆᐅᔪᖅ ᒪᕐᕉᓐᓂ ᑕᑯᔅᓴᐅᑎᑦᑎᔪᒪᔪᖓ ᐱᔪᓐᓇᕐᓂᖃᓂᕐᒧᑦ ᓴᓇᓂᕐᒧᑦ ᐱᓕᕆᐊᖑᔪᓂᑦ ᐃᑲᔪᖅᓯᒪᔪᑦ ᐱᕈᖅᑎᑎᓪᓗᑎ ᖃᐅᔨᒪᓂᐅᔪᓂᑦ ᓴᓗᒪᔪᓂᑦ ᐆᒻᒪᖅᑯᑎᓂᑦ ᓄᓇᕗᒻᒥ: the 20/20 Catalyst ᐱᓕᕿᐊᖅ ᐊᒻᒪ ᐅᑭᐅᑕᖅᑐᒥ ᓄᓇᒦᓐᖔᖅᑐᓂᑦ ᑎᒥᖓᑦ.

ᐊᕐᕌᒍᒐᓚᐅᓯᒪᓕᖅᑐᓂᑦ, ᐆᒪᔪᓄᑦ ᐱᐅᖅᓱᐊᖅᑏᑦ ᓯᓚᕐᔪᐊᒥ-ᑲᓇᑕ ᐃᑲᔪᖅᓯᒪᔪᑦ ᓄᓇᕗᒻᒥᐅᓂᑦ ᐃᓚᐅᖃᑕᐅᓗᑎᑦ Catalyst, ᐱᓕᕆᐊᖅ ᓴᓇᓯᒪᔪᖅ ᓄᓴᖃᖅᑳᖅᓯᒪᔪᑦ ᐃᓄᖏᑦ ᐃᓚᐅᖃᑕᐅᓗᑎ ᑲᓇᑕᒥ ᓴᓇᕐᕈᑎᓂᑦ ᐱᔭᕆᐊᖃᖅᑕᖏᓐᓄᑦ ᓯᕗᓕᖅᑎᐅᓗᑎ ᓴᓗᒪᔪᓂᑦ ᐆᒻᒪᖅᑯᑎᓂᑦ ᐱᓕᕆᐊᓄᑦ ᓇᒻᒥᓂᖅ ᓄᓇᓕᖏᓐᓂᑦ.

Solar installation training in Iqaluit, NU offered by the Arctic Renewable Society.
ᓯᕿᓂᕐᒧᑦ PV ᐋᖅᑭᑦᑕᐅᓂᖏᓐᓄᑦ ᐃᓕᓐᓂᐊᕐᓂᖅ, ᐃᖃᓗᐃᑦ, ᓄᓇᕗᑦ. ᑎᑎᕋᖅᑐᖅ ᐅᑭᐅᖅᑕᖅᑐᒥ ᓲᕈᑎᑎᑕᐃᓕᔪᓐ ᑲᑐᔾᔨᖃᑎᒌᑦ. (c) ᒫᑕᓕᓂᐅ © WWF Canada / Martha Lenio

ᑖᓐᓇ ᐊᑦᑐᐊᓂᖃᖅᑐᖅ ᒐᕙᒪᑐᖃᒃᑯᑦ ᓄᓇᖃᖅᑳᖅᓯᒪᔪᓄᑦ ᐅᖅᓱᐊᓗᑦᑐᖏᑦᑐᓄᑦ ᐱᓕᕆᐊᖅ ᑮᓇᐅᔭᖃᖅᑎᑦᑎᔪᑦ ᑎᓴᒪᓄᑦ ᓄᓇᕗᒻᒥ ᕼᐊᒻᒪᓚᓂᑦ ᓄᓇᓕᒻᒧ ᐆᒻᒪᖅᑯᑎᓄᑦ ᐸᕐᓇᐃᓂᖅ. ᑰᒑᕐᔪᒻᒨᕈᓐᓇᓚᐅᖅᑐᖓ ᐊᐅᔭᐅᓚᐅᖅᑐᒥᑦ, ᐋᓕᒃ ᐃᑎᒪᖕᓇᖅ ᑐᑭᒧᐊᖅᑎᑕᖓ ᐃᖅᑲᓇᐃᔮᖑᔪᖅ, ᐊᒻᒪ ᐅᖓᓯᒌᖃᑦᑕᐅᑎᓪᓗᓄ ᓯᕿᓂᕐᒧᑦ ᐆᒻᒪᖅᑯᑎᓂᑦ ᑐᑭᓯᒋᐊᕈᑎᓂᑦ ᐅᓐᓱᒪᒃᑯᑦ, ᓄᐊᑦᑎᓪᓗᑕ ᐆᒻᒪᖅᑯᑎᓄᑦ ᑐᑭᓯᒋᐊᕈᑎᓂᑦ ᓄᓇᓕᒻᒧᑦ, ᐊᒻᒪ ᐅᖃᐅᓯᕆᓪᓗᒋᑦ ᖃᓄᖅ ᐃᑲᔪᕈᓐᓇᓂᑦᑎᓐᓄᑦ ᐃᓪᓗᓕᕆᓂᐅᔪᖅ ᐆᒻᒪᖅᑯᑎᓂᑦ ᐊᑐᑦᑎᐊᕐᓂᖏᓐᓄᑦ.

ᐅᑭᐅᑕᖅᑐᒥ ᓄᓇᒦᖔᖅᑐᓂᑦ ᑎᒥᖓᑦ ᓴᖅᑭᖅᑎᑕᐅᔪᖅ 2019 ᐃᑲᔪᕐᓗᑎ ᓄᓇᕗᒻᒥᐅᓂᑦ ᐃᓚᒋᔭᐅᖃᑕᐅᓗᑎ ᓴᖅᑭᐸᓪᓕᐊᔪᓂᑦ ᓴᓗᒪᔪᓂᑦ ᑮᓇᐅᔭᓕᕆᓂᕐᒥᑦ, ᑎᒥᐅᔪᖅ ᑐᓂᓯᓚᐅᖅᑐᑦ ᓯᕗᓪᓕᖅᐹᖓ ᒪᕐᕉᒃ ᐃᓕᓐᓂᐊᓂᕐᒧᑦ ᐱᓕᕆᐊᓂᑦ: ᐊᖏᕋᒥ ᐆᒻᒪᖅᑯᑎᓄᑦ ᐅᖃᐅᔾᔨᒋᐊᓂᕐᒧᑦ ᐃᓕᓐᓂᐊᕐᓂᖅ, ᐃᕐᖏᓐᓈᕈᑎᒃᑰᓚᐅᖅᑐᑦ ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ−19, ᓯᕿᓂᕐᒧᑦ ᐆᒻᒪᖅᑯᑎᓄᑦ ᐋᖅᑭᑦᑕᐅᓂᖏᓐᓄᑦ ᐃᓕᓐᓂᐊᕐᓂᖅ, ᐃᓄᑦᑎᒎᓚᐅᖅᑐᖅ ᐃᖃᓗᓐᓂ ᐋᓐᓂᐊᓇᕐᒧᑦ ᐊᑐᖅᑕᐅᔭᕆᐊᓖᑦ ᐊᑐᖅᑕᐅᓪᓗᑎ.

ᑲᔪᓯᓂᖃᑦᑎᐊᓚᐅᖅᑐᖅ ᐱᒋᐊᖅᑎᑕᐅᓂᖓ, ᐃᓚᐅᖃᑕᐅᓪᓗᑎ ᐊᕕᑦᑐᖅᓯᒪᔪᓕᒫᓂᑦ ᓄᓇᕗᒻᒥ ᐃᓚᒋᔭᐅᓪᓗᑎ, ᐊᒻᒪ ᑎᒥᐅᔪᖅ ᑕᑯᒃᑲᓐᓂᕈᒪᓂᐊᖅᑐᑦ ᐱᓕᕆᐊᓂᑦ 2021 ᐊᒻᒪᓗᑦᑕᐅᖅ ᐊᖏᕋᒥ ᐆᒻᒪᖅᑯᑎᓄᑦ ᖃᐅᔨᓴᕐᓂᐅᔪᑦ ᐆᒻᒪᖅᑯᑎᓄᑦ ᐅᖃᐅᔾᔨᒋᐊᖅᑎᕈᕋᑖᖅᑐᓄᑦ.

Martha Lenio conducting a solar demo with community members in Gjoa Haven
ᓄᓇᓕᓐᓂ ᐱᓕᕆᖃᑎᖃᕐᓂᖅ ᐆᒻᒪᖅᑯᑎᓕᕆᓂᕐᒥᓪᓗ ᐃᓕᓐᓂᐊᑎᑦᑎᓂᖅ, ᐅᖅᓱᖅᑑᖅ, ᓄᓇᕗᑦ © Michael Dawodu

ᐱᓕᕆᐊᑦ

2020−ᖑᑎᓪᓗᒍ, ᐊᑕᐅᓯᑐᐊᖅᓐ ᓄᓇᒦᖔᖅᑐᓂᑦ ᐆᒻᒪᖅᑯᑎᓄᑦ ᐊᑐᐊᒐᖅ ᓄᓇᕗᒻᒥ ᐅᓇᐅᓚᐅᖅᑐᖅ Net Metering ᐱᓕᕆᐊᖅ ᑐᓂᔭᐅᔪᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕇᓴᓐ (QEC), ᓄᓇᕗᒻᒥ ᐆᒻᒪᖅᑯᑎᓕᐅᖅᑎᑐᐊᖏᑦ, ᐱᔪᓐᓇᑎᑦᑎᔪᑦ ᐆᒻᒪᖅᑯᑎᓕᐅᖅᑕᐅᔪᓂᑦ ᓄᓇᒦᖔᖅᑐᓂᑦ ᐋᖅᑭᑦᑕᐅᓂᖏᓐᓄᑦ ᐃᓚᒋᔭᐅᓕᕐᓗᑎ ᐆᒻᒪᖅᑯᑎᓄᑦ ᐊᒻᒪ ᐊᑦᑎᓪᓕᒋᐊᕐᓗᒋᑦ ᐆᒻᒪᖅᑯᑎᓄᑦ ᐊᑭᓕᕆᐊᓖᑦ.

ᐱᓕᕆᐊᖅ ᑭᓪᓕᖃᖅᑎᑦᑎᒐᓗᐊᖅᑎᓪᓗᒍ ᐱᓕᕆᐊᓄᑦ 10 kilowatts ᐊᖏᓂᖏᑦ — ᐊᒻᒪ ᐊᖏᕋᒥ ᓇᒻᒥᓂᖃᖅᑐᓄᑦ ᐊᒻᒪ ᐊᑕᐅᓯᖅ ᕼᐊᒻᒪᓚᒃᑯᓐᓄ ᐱᓕᕆᐊᖅ — ᐊᒥᓱᒐᓚᐃᑦ ᓄᑖᑦ ᐱᓕᕿᐊᑦ ᐱᔭᕇᖅᑕᐅᓚᐅᖅᑐᑦ, ᐱᖃᓯᐅᑎᓪᓗᑎ ᓯᕗᓪᓕᖅᐹ ᒪᕐᕉᒃ ᓇᒻᒥᓂᕆᔭᐅᔪᑦ ᓄᓇᕗᒻᒥ.

ᕼᐊᒻᒪᓚᖓᑦ ᑰᒑᕐᔪᒃ ᑲᔪᓯᓂᖃᑦᑎᐊᓚᐅᕐᒥᔪᖅ ᐱᔾᔪᑎᖃᖅᑐᓂᑦ ᓯᕿᓂᕐᒧᑦ ᐱᓕᕆᐊᓄᑦ ᓄᓇᓕᒻᒥ ᑎᑭᑦᑎᓪᓗᑎ ᒪᓕᑦᑕᐅᔭᕆᐊᓕᓐᓂᑦ ᐊᒻᒪ ᐃᓚᒋᔭᐅᓕᖅᑐᑎᑦ ᐊᑖᓂ ᑖᔅᓱᒥᖓ Net Metering ᐱᓕᕿᐊᒥᑦ. ᕼᐊᒻᒪᓚᖓᑦ ᐅᖅᓱᖅᑐᖅ ᐱᓯᒪᔪᑦ ᒪᕐᕈᐃᓕᖓᔪᓄᑦ ᒦᑕᓂ ᓯᕿᓂᕐᒧᑦ ᐆᒻᒪᖅᑯᑎᓕᐅᕈᑎᒥᑦ ᐋᖅᑭᑦᑕᐅᓯᒪᔪᖅ 2019 ᐊᒻᒪ ᐊᐅᓚᓂᖃᓕᖅᑐᑦ ᐊᑖᓂ ᐱᓕᕿᐊᒥᑦ.

ᐊᑐᐊᒐᐃᑦ

ᒫᑦᓯᐅᓕᑕᐃᓐᓇᖅᑐᖅ, ᑭᓯᐊᓂ 2021 ᖁᕕᐊᓇᕐᑦᓂᐊᖅᑑᔮᖅᑐᖅ ᐊᕐᕌᒍ ᐱᔾᔪᑎᒋᓪᓗᒋᑦ ᐃᓚᖏᓐᓄᑦ ᐱᒻᒪᒥᐅᔪᓂᑦ ᓄᑖᓂ ᐆᒻᒪᖅᑯᑎᓄᑦ ᐊᑐᐊᒐᐃᑦ. ᐊᐅᔭᐅᓚᐅᖅᑐᒥᑦ,  ᑕᑯᔅᓴᐅᑎᑦᑎᓚᐅᖅᑐᖓ ᐊᒥᓱᒐᓚᓐᓂᑦ ᐋᖅᑭᑦᑕᐅᓂᖏᓐᓄᑦ ᐃᓚᒋᔭᐅᓕᖅᓯᒪᖏᑦᑐ ᐆᒻᒪᖅᑯᑎᓄᑦ ᐱᔾᔪᑎᒋᓪᓗᒋᑦ ᑎᑭᑦᑎᖏᓐᓂᖏᓐᓄᑦ ᐱᑕᖃᕆᐊᖃᖅᑎᑕᐅᔪᓂᑦ Net Metering ᐱᓕᕆᐊᖅ, ᓲᕐᓗ ᓯᕿᓂᕐᒧᑦ ᐆᒻᒪᖅᑯᑎᓕᐅᕈᑏᑦ ᑲᓇᑕᒥ ᖁᑦᑎᑐᒥ ᐅᑭᐅᑕᖅᑐᒥ ᖃᐅᔨᓴᕐᕕᒃ (CHARS) ᐃᖃᓗᑦᑑᑦᑎᐊᒥ ᐊᒻᒪ ᓄᓇᕗᒻᒥ ᓯᓚᑦᑐᓴᕐᕕᒃ ᐃᖃᓗᓐᓂ.

The solar panels on the Canadian High Arctic Research Station (CHARS) in Cambridge Bay.
ᑲᓇᑕᒥ ᐅᑭᐅᑕᖅᑐᒥ ᖁᑦᑎᑦᑐᒥ ᖃᐅᔨᓴᕐᕕᒃ (CHARS), ᐃᖃᓗᒃᑑᑦᑎᐊᖅ, ᓄᓇᕗᑦ (c) ᒫᑕ ᓕᓂᐅ © WWF Canada / Martha Lenio

ᒫᓐᓇ ᑐᓴᖅᑎᑦᑎᒍᑕᐅᕋᑖᖅᑐᖅ ᑮᓇᐅᔭᓕᐅᕋᓱᓂᕐᒧᑦ−ᐱᓕᕆᕕᓐᓄᑦ ᐆᒻᒪᖅᑯᑎᓕᐅᖅᑏᑦ (CIPP) ᐱᓕᕆᐊᖅ ᑖᒃᑯᐊᓂ ᐱᓕᕆᐊᓂ ᐊᖅᑯᑎᖃᖅᑎᑦᑎᓂᐊᖅᑐᑦ ᐃᓚᒋᔭᐅᓕᕐᓗᑎ ᐆᒻᒪᖅᑯᑎᓄᑦ. ᐸᕐᓇᑕᐅᓯᒪᔪᑦ ᐅᑯᓇᓂ ᐊᕐᕕᐊᑦ, ᐃᖃᓗᐃᑦ, ᑲᖏᕐᖠᓂᖅ, ᖃᒪᓂᑦᑐᐊᖅ, ᐊᒻᒪᓗᖃᐃ ᐊᒥᓲᓂᖅᓴᑲᓐᓃᑦ ᓯᕗᒧᒋᐊᕈᓐᓇᕐᓂᐊᓕᖅᑐᑦ ᓇᓗᓇᐃᖅᓯᒪᓂᖅᓴᐅᓗᑎ.

ᐊᑐᐊᒐᖅ ᐱᑦᑎᐊᖅᓯᒪᔪᐃᓐᓇᐅᖏᑦᑐᖅ, ᐊᒻᒪ ᓱᓕ ᐊᖏᖃᑎᒌᖏᒍᑎᑕᓕ ᐊᑭᖓᓄ QEC ᐊᑭᒋᑎᑦᑎᓂᐊᖅᑕᖓᓂ ᓴᓗᒪᔪᓄᑦ ᐆᒻᒪᖅᑯᑎᓄᑦ.

ᑐᓴᖅᑎᑦᑎᒍᑕᐅᕋᑖᖅᓯᒪᒻᒥᔪᖅᑕᐅᖅ ᓄᓇᕗᑦ ᒐᕙᒪᒃᑯᑦ ᓴᖅᑭᑎᑦᑎᓚᐅᖅᑐᑦ ᑮᓇᐅᔭᑎᒍᑦ ᐃᑲᔪᓂᕐᒧᑦ ᐊᖏᕋᕆᔭᐅᔪᓄᑦ        Net-Metering ᐱᓕᕆᐊᓄᑦ ᐊᒻᒪᓗᑦᑕᐅᖅ ᓯᕿᓂᕐᒧᑦ ᐃᓪᓗᕋᓛᑦ ᐋᖅᑭᑦᑕᐅᓂᖏᑦ. ᐃᓄᐃᑦᒻ ᖃᐅᔨᒋᐊᖃᑦᑕᓕᕇᖅᑐᑦ ᖃᓄᖅ ᐱᔭᔅᓴᐅᓂᖏᓐᓄᑦ ᐱᓕᕆᐊᖅ ᐊᒻᒪ ᓯᕗᒧᒋᐊᓕᕐᓗᑎ ᓇᒻᒥᓂᖏᓐᓂ ᓴᓗᒪᔪᓂᑦ ᐆᒻᒪᖅᑯᑎᓄᑦ ᐱᓕᕆᐊᑦ, ᐊᑦᑎᓪᓕᒋᐊᕐᓗᑎ ᐆᒻᒪᖅᑯᑎᑐᕐᓂᖏᓐᓄᑦ ᐊᑭᖏᓐᓂᑦ, ᐊᒻᒪ ᐅᖅᓱᐊᓗᑦᑐᖏᓐᓂᖅᓴᐅᓗᑎ.

ᑖᒃᑯᐊᓕᒫᑦ ᐱᕙᓪᓕᐊᔪᑦ ᖁᕕᐊᓇᖅᑐᑦ, ᐊᒻᒪ ᖁᕕᐊᓱᒻᒪᕆᑦᑐᖓ ᑕᒪᑐᒪᓂ ᐊᕐᕌᒍᒥ ᓴᖅᑭᑎᑦᑎᔪᓂᑦ! ᖃᐅᔨᒪᔪᖓ ᐊᒥᓱᑦ ᐃᓄᐃᑦ ᓄᓇᕗᒻᒥ ᐃᖅᑲᓇᐃᔭᖅᓯᒪᔪᑦ ᑖᒃᑯᓂᖓ ᐊᑐᐊᒐᕐᓂᑦ ᐃᓅᓯᕐᒧᑦ ᐊᑯᓂᐅᓕᖅᑐᒥᑦ, ᑕᐃᒪᐃᓐᓂᖓᓄᑦ ᖁᕕᐊᓇᖅᑐᖅ ᐊᔅᓱᕈᖅᑐᑎᑦ ᐃᖅᑲᓇᐃᔮᕆᓯᒪᔭᖏᑦ ᓴᖅᑭᖅᑐᑎᑦ. ᑲᑐᑎᓪᓗᑎ ᐱᓇᓱᐊᖅᑕᐅᓯᒪᔪᖅ ᓄᓇᕗᑦ ᒐᕙᒪᒃᑯᑦ ᓯᓚᖓᓄ ᐊᓯᔾᔨᕐᓂᖓᓄᑦ ᑎᑎᕋᕐᕕᒃ ᐊᒻᒪ ᐊᓯᖏᑦ ᐱᓕᕆᖃᑕᐅᔪᑦ ᐱᓕᕆᕕᖏᑦ, QEC, ᕼᐊᒻᒪᓚᒃᑯᑦ, ᒪᓕᒐᓕᐅᖅᑏᑦ, ᑎᒥᐅᔪᑦ, ᐊᒻᒪ ᓄᓇᕗᒻᒥᐅᑕᓕᒫᑦ ᐱᖃᑕᐅᓯᒪᔪᑦ ᑖᒃᑯᓂᖓ ᐱᓕᕆᐊᓂᑦ.

ᒫᓐᓇᐅᑎᓪᓗᒍ ᖁᕕᐊᓇᖅᑐᖅ ᐃᖅᑲᓇᐃᔭᖅᑐᓂ ᓄᓇᒦᖔᖅᑐᓂᑦ ᐆᒻᒪᖅᑯᑎᓂᑦ ᓄᓇᕗᒻᒥ!